मुगु: ट्याक्टर दुर्घटना हुँदा बाजुराको एक युवकको मृत्यु भएको छ। गए राति ट्याक्टर दुर्घटनामा परी बाजुराकाे गौमुल गाउँपालिका–३ का अन्दाजी २४ वर्षीया सुरेश रोकायाको घटनास्थलमै मृत्यु भएको बताएकाे छ।
बाजुराबाट हुम्लाको पिपलमुडामा रहेको विद्धुतकाे सबस्टेसन जडानका लागि पोल ढुवानी गरिरहेको लु५त १२३७ नम्बरको ट्याक्टर दुर्घटनामा परेको थियो। सो ट्याक्टर मुगुको सोरु गाउँपालिकाको केन्द्रतर्फ जाँदै गरेको थियो।
विद्युत् पोल बोक्ने क्रममा उकालोमा ट्याक्टरको ‘ब्रेक फेल’ भई करिब ७०० मिटर तल खस्दा चालक रोकायाको घटनास्थलमै मृत्यु भएको सोरुकोट प्रहरी चौकीका बलवीर लावडले जानकारी दिए। त्यस्तै हुम्ला अदानचुली–२ का २८ वर्षीया रेशम भण्डारी घाइते भएको लावडले बताए। घाइते लवड जिल्ला अस्पताल मुगुमा उपचार भइरहेकाे छ । ट्याक्टरमा चालक रोकाया र भण्डारी दुई जनामात्र सवार रहेको प्रहरीले जनाएकाे छ ।
प्रतिक्रिया दिनुहोस