बाजुरा : खप्तड छेडेदह गाउँपालिकाको चौथो राष्ट्रपति रनिङ सिल्ड सुरु भएको छ । पालिकाको ४ नम्बर वडामा रहेको खापर देवस्थली मावि गुदुखातीमा पालिका स्तरीय रनिङ सिल्ड सुरु भएको हो ।
विद्यालयका अध्यक्ष कर्णबहादुर कठायतको अध्यक्षतामा सञ्चालन भएको सिल्डको प्रमुख अतिथि पालिका अध्यक्ष दिलबहादुर रावत रहेका थिए छन् । भने गाउँपालिका उपाध्यक्ष बिशुदेवी नाथ विशिष्ठ अतिथि रहनु भएको थियो । खापरदेवस्थली माविका प्रधानाध्यापक चन्द्र बहादुर थापाले स्वागत मन्तव्य राखेको कार्यक्रमको सञ्चालन सोहि विद्यालयका शिक्षक मिन बहादुर धामीले गरेका थिए ।
पालिका स्तरीय सिल्डको गाउँपालिका अध्यक्ष दिलबहादुर रावतले उद्घाटन गर्नुभएको राजेश सुनारले जानकारी दिएका छन् । सिल्डमा ७ वटा वडाका नौ वटा विद्यालय सहभागि छन् । प्रतियोगिता ३ दिनसम्म चल्ने बताइएको छ ।
जिल्ला स्तरीय सिल्डका लागि यतिबेला पालिका स्तरीय रनिङ सञ्चालन भइरहेका छन् । बडीमालिका, गौमुल, बुढीनन्दा, स्वामिकात्र्तिक खापर गाउँपालिकाले पालिका स्तरीय रनिङ सिल्ड समापन गरिसकेका छन् । भने त्रिवेणी नगरपालिकामा जारी रहेको छ । जगन्नाथ गाउँपालिकाले यही पुस ११ बाट सञ्चालन गर्ने भएको छ ।
प्रतिक्रिया दिनुहोस