दाङ : घोराही उपमहानगरपालिका–९ खैरास्थित सांग्रिला प्लाई उद्योगमा विद्युत् सट भएर मध्यरातमा लागेको आगो अझै नियन्त्रणमा आउन सकेको छैन ।यो जिल्लाकै ठूलो उद्योग हो । आगलागीका कारण प्लाई, कच्चा पदार्थ, प्लाई बनाउन प्रयोग हुने मेसिनलगायतका सामग्री जलेर नस्ट भएका छन् । आगलागी नियन्त्रणका लागि नेपाल प्रहरी, सशस्त्र प्रहरी, नेपाली सेना र स्थानीयले प्रयास गरिरहेको भए पनि हालसम्म नियन्त्रणमा लिन कठिन भएको छ ।
जिल्लाका साथै कपिलवस्तुको शिवराज नगरपालिकाबाट समेत गरी हालसम्म ५ वटा दमकलले आगो निभाइरहेको जिल्ला प्रहरी प्रवक्ता डीएसपी चक्रबहादुर शाहले बताए । बाँके र बर्दियाबाट पनि दमकल आइरहेको उनले बताए ।आगलागीबाट करोडौंको क्षति भएको अनुमान गरिएको र अझै विवरण संकलन हुन नसकेको शाहले जानकारी दिए ।
प्रतिक्रिया दिनुहोस