बाजुराः जिल्लाको हिमाली गाउँपालिकामा आँखा उपचार शिविर सञ्चालन हुने भएको छ ।गाउँपालिकाको आयोजना,नेपाल रेडक्रस सोसाईटी सुर्खेत आँखा अस्पताल र रुईत फाउण्डेसन काठमाडौंको संयुक्त आर्थिक तथा प्राविधिक सहयोगमा १ दिने आँखा उपचार शिविर सञ्चालन हुने भएकोछ ।
शिविर यहि चैत्र १० गतेदेखि १३ गतेसम्म सञ्चालन हुने भएको हो। चैत्र १० गते आइतबार वडा नम्बर १ को वडा कार्यालयको भवन बिच्छ्या र वडा नम्बर ४ को फैतीमा त्यस्तै चैत्र ११ गते २ नम्बर वडा कार्यालयको कोट र ५ नम्बरको कुवाडी चैत्र १२ गते ३ नम्वर वडा कार्यालयको भवन युना स्वास्थ र्चाकि युना र ६ नम्बरको धिम त्यस्तै १३ गते ७ नम्बरको बाधुमा शिविर सञ्चालन हुने गाउँपालिकाको सुचना अधिकारी कबिन्द्र राज पाण्डेले बताएका छन् ।
तेस्तै वडा स्तरिय मोतिबिन्दु छनोट आँखा शिविरबाट छनोट भएका ब्यक्तिहरुलाई मोतिबिन्दु अप्रेशनका लागी चैत्र १५ र १६ गते गाउँपालिकाको भवन धुलाचौरमा निःशुल्क अप्रेशन गरिने भएको छ। आँखा उपचार शिविरमा नाम दर्ता गर्न बिहान १० बजेदेखि दिउँसो २ बजेसम्मको समय तोकिएको छ भने नाम दर्ता शुल्क २० नजिक लेखपढ गर्ने चश्मा शुल्क ४०० तोकिएको गाउँपालीकाले बताएको छ ।
आँखा उपचार शिविरमा सहभागी भई सम्पुर्ण गाउँपालिका बासिहरुले मौकाको फाईदा लिन हुन गाउँपालिकाले आग्रह गरेको छ । मोतिबिन्दुको समस्या भएका ब्यक्तिहरुले शिविरमा सहभागी भई निःशुल्क उपचार गर्न गराउन आग्रह गरिनुका साथै मौकाको फाईदा नगुमाउन एक सूचना माफर्त हिमाली गाँउपालीकाले बताएको छ ।
प्रतिक्रिया दिनुहोस