बाजुरा– आजबाट सुरु भएको माध्यमिक विद्यालयको एसइई परिक्षामा एक जना दुई दिनको सुत्केरी परिक्षामा सहभागी भएकी छन् । परिक्षाको पहिलो दिन अनिवार्य अँग्रेजी विषयको परिक्षा दिनका लागि नियमित छात्रा सुत्केरी अवस्थामा परिक्षामा सहभागी भएकी छन् ।
जिल्लाको जगन्नाथ गाउँपालिका–५ महतीमा रहेको कैलाशेश्वरी माध्यमिक विद्यालयको परिक्षा केन्द्रमा सोही गाउँपालिका–१ ढाडाकोकी १८ वर्षीया अमरावती ल्वार एसइइ परिक्षामा सहभागी भएको केन्द्राध्यक्ष शे वकिल मिँयाले जानकारी दिएका छन् ।
जगन्नाथ गाउँपालीका रहेको सरस्वती माध्यमिक विद्यालयमा अध्ययनरत छात्रा ल्वार दुई दिनको सुत्केरी भएको जानकारी पछि परिक्षामा कक्षा ९ मा अध्ययनरत विद्यार्थी सहितको सहायतामा परिक्षामा सहभागी गराउको बताए ।
सुत्केरी भएकी छात्रा अहिले आफैले लेखि रहेकी भएपनि कुनै बेला समस्या आउन सक्ने भएकाले सहयोगीको समेत व्यवस्था गरेको केन्द्राध्यक्ष मिँयाले बताए । परिक्षामा सहभागी भएकी परिक्षार्थीलाई अलग्गै व्यवस्था गरिएको केन्द्राध्यक्ष मिँयाको भनाई रहेको छ । जिल्लामा १७ परिक्षा केन्द्रमा एकै साथ शान्तिपूर्ण र शान्त वातावरणमा परिक्षा संचालन भइरहेको छ । जिल्लामा ३ हजार १८ जना विद्यार्थीहरु एसइई परिक्षामा सम्मिलित हुन पाउने भएका छन् । ६६ वटा सामुदायिक र १ संस्थागत विद्यालय गरी ६७ विद्यालयका विद्यार्थीहरु एसइइ परिक्षामा सहभागी भएका छन् ।
जिल्लाका ९ वटै स्थानीय तहका १७ परिक्षा केन्द्रमा नियमित,ग्रेडवृद्धि, प्राविधिकतर्फका विद्यार्थीहरु सहभागी हुने शिक्षा विकास समन्वय इकाई बाजुराका निमित्त प्रमुख जोशीले बताएका छन् ।
प्रतिक्रिया दिनुहोस