बाजुरा : पशुपति मावि ताँप्राले आफ्नो ५७ औं बार्षिक उत्सव मनाएको छ । विद्यालयले विविध खेलकुद र साँस्कृतिक कार्यक्रम बार्षिक उत्सवलाई अभिभावक दिवसका रुपमा मनाएको हो । स्थापनाको ५७ वर्ष पुरा भएको अवसर पारी बार्षिक उत्सव समारोह आयोजना गरिएको विद्यालय व्यवस्थापन समिति अध्यक्ष छत्र रौलेले बताएका छन् ।
बार्षिक उत्सव समारोहको नेकपा एमाले केन्द्रीय सदस्य एवं पूर्व प्रतिनिधी सभा सदस्य लालबहादुर थापाले उद्घाटन गरेका हुन् । शिक्षक मनीराम जैशीले सञ्चालन गरेको उद्घाटन समारोहमा नगर प्रमुख रामबहादुर बाँनीया, एमाले नेता गणेश थापा, बुढीगंगा २ का वडा अध्यक्ष पदम भण्डारी, काँग्रेका जयराज जैशी, तिलक शाह सहीत सहभागि थिए ।
पशुपति मावि ताँप्रामा ३ सय ६६ जना विद्यार्थी अध्ययनरत छन् । भने कक्षा ६ देखि १२ सम्म पढाई हुने गरेको छ । उद्घाटन लगत्तै अन्तर सदनात्मक खेलकुदका कार्यक्रम सञ्चालन गरिएको र २२ गते समापन हुने विद्यालयका प्रअ दयाराम जैशीले बताएका छन् ।
प्रतिक्रिया दिनुहोस