बाजुरा : नेकपा एमाले बाजुराको आठौं जिल्ला अधिवेशन उद्घाटन गर्न केन्द्रीय उपाध्यक्ष रामबहादुर थापा बादल आउने भएका छन् । जेष्ठ १, २ र ३ गते मार्तडीमा आयोजना हुने जिल्ला अधिवेशन उद्घाटनका लागि बादल बाजुरा आउन लागेका हुन् ।
पार्टी केन्द्रीय कमिटीका तर्फबाट उद्घाटन समारोहको प्रमुख अतिथीको रुपमा उपाध्यक्ष रामबहादुर थापा बादल लाई पठाएको छ । बादलसँगै निर्वाचन आयोगका अध्यक्ष डाक्टर विजय सुब्बा पनि बाजुरा आउन लागेका छन् ।
अधिवेशनमा पार्टी स्थायी कमिटी सदस्य कर्णबहादुर थापा, केन्द्रीय सदस्य लालबहादुर थापा, प्रकाश बहादुर शाह, सहदेव बोगटी, देखा आयोग सदस्य बसुन्धरा रोकाया जिल्ला आइसकेका छन् ।
प्रदेश अध्यक्ष कृष्णप्रसाद भट्टाराई, सचिव रणबहादुर चन्द्र, निर्वाचन आयोग सदस्य मनोज खड्का सहीतको टोली आजै बाजुरा आइपुग्ने पार्टी सचिव काशी विकले जानकारी दिएका छन् । पार्टी अध्यक्ष केपी शर्मा ओली आउने भनिए पनि उद्घाटनका लागि अन्तिममा बादल आउनु भएको हो ।
प्रतिक्रिया दिनुहोस