बाजुरा : रानीवन स्पोर्टस् क्बल पहिलो खेलमा बराबरीमा रोकिएको छ । सि डिभिजन लिग चरणको पहिलो खेलमा रानीवन १–१ को बराबरीमा रोकिएको हो । चैत्र २२ गतेदेखि काठमाडौंमा सुरु भएको सि डिभिजन लिग चरणको खेलको दोस्रो दिन रानीवन र महावीर फुटबल क्बलबीच खेल भएको हो ।
दुबै टिमले १–१ गोल गरेर खेल बराबरी गरेका छन् । पहिलो हाफमै १० खेलाडीमा सीमित बनेको महावीरका सामु रानीवनले सुरुवादी लिएको अग्रतालाई जितमा परिणत गर्नबाट भने चुकेको छ ।
रानीवनले २०७६ सालदेखि सि डिभिजन खेल्न सुरु गरेको हो । सि डिभिजनको मान्यताका लागि भाग लिएकै वर्ष रानीवनले सि डिभिजनको मान्यता पाएको थियो । यो खेल बि डिभिजनमा बडुवाका लागि खेल्न लागेको क्लबका व्यवस्थापक करन भण्डारीले जानकारी दिएका छन् ।
एन्फा फुटबल मैदान सातदोबाटोमा भएको खेलमा रानीवनले सुरुवादी अग्रता लिएको थियो । त्यसको लगत्तै महावीर फुटबल क्लबले गोल फर्काएर बराबरी गरेको थियो । असार पहिलो सातासम्म चल्ने खेलमा सि डिभिजन मान्यता पाएका १४ टिम बीच प्रस्तिस्पर्धा हुनेछ ।
सहभागि १४ टिम मध्ये अंक तालिकाको पहिलो र दोस्रो नम्बरमा रहेका २ टिम बि डिभिजनका लागि छनोटमा पर्नेछन् । भने अन्तिममा रहेका २ टिम घटुवामा परेर सि को मान्यताबाट बाहिर रहने छन् । बाँकी १० टिम भने सि कै मान्यता सहीत अर्को वर्षको लिग खेल्न पाउनेछन् ।
कुवेर सिंहको कप्तानीमा प्रस्थान गरेको टिममा २२ जना सहभागि छन् । रानीवन सुदूरपश्चिमकै पहिलो लिग चरणको खेल खेल्ने क्बल हो । बाजुराको मार्तडीमा स्थापना भएको रानीवनले जिल्लामा सुरुवाद देखि फुटबल खेलको विकासमा सक्रिय छ ।
प्रतिक्रिया दिनुहोस