बाजुरा : हिमालीमा भिरबाट लडेर एक महिलाको मृत्यु भएको छ । मृत्यु हुनेमा जिल्लाको हिमाली गाउँपालिका वडा नं ५ रिठ्ठा की आपसरी बुढथापा रहनुभएको छ ।
बुधबार बिहान घरबाट घाँस खाट्न गएकी ४१ बर्षिया बुढथापा बिहान करिब १० बजे स्थानिय बालभिटा भिरबाट करिब २ सय मिटर तल खस्नुभएको आफन्तले लंक कार्कीले बताउनुभयो । घरमा श्रीमान ३ छोराछोरी सहित ४ जना परिवार रहेकोे आफन्त कार्कीले बताउनुभयो ।
मृतक लाई हिमाली गाउँपालिकाको एम्बुलेन्समा कोल्टी प्राथमिक स्वास्थ्य केन्द्रमा पोष्टमाटमका लागि पठाइएको गाउँपालिकाले जनाएको छ ।
विकट भुगोलका कारण बाजुराका महिलाले पटक–पटक भिरबाट लडेर अकालमा ज्यान गुमाउँदै आएका छन् ।
प्रतिक्रिया दिनुहोस