बाजुरा : नेकपा एमालेको भ्रातृ संगठन राष्ट्रिय जन सांस्कृतिक महासंघ नेपालले शुभकामना सांस्कृतिक साँझ २०८० को आयोजना गर्न भएको छ । सांस्कृतिक कार्यक्रम मार्फत नेपाली मौलिक संस्कृतिको प्रवर्द्धन गर्न सांस्कृतिक साँझ आयोजना गर्न लागिएको कार्यक्रम संयोजक राम प्रसाद अवस्थीले जानकारी दिएका छन् ।
आगामी ३० गते काठमाडौंस्थित राष्ट्रिय नाचघर जमलमा सांस्कृतिक साँझको आयोजना गर्न लागिएको र त्यसको तयारी तीव्र भइरहेको उनले बताएका छन् । ‘दार्चुलाको कालापानीदेखि ताप्लेजुङको ओलाङ्चुङ गोलासम्मको मौलिक नाच हामीले सांस्कृतिक साँझमा देखाउने छौँ’, उनले भने, ‘आजसम्मकै सबैभन्दा फरक र मौलिक कार्यक्रम हुने छ हाम्रो ।’
नेपालको मौलिकता नेपालीको शान, कला र संस्कृति हाम्रो पहिचान भन्ने नाराका साथ आयोजना गर्न लागिएको सांस्कृतिक साँझमा पूर्णकला बिसी, वैकुण्ठ महत, ठानेश्वर गौतम, अमृत खाती, साजन राई, लगायतका कलाकारहरूको प्रस्तुत रहने जनाइएको छ ।
नेकपा एमालेका अध्यक्ष केपी शर्मा ओलीको सहित पदाधिकारीहरू पनि कार्यक्रममा सहभागी हुने छन् । पार्टी अध्यक्ष ओलीले राष्ट्रिय जन सांस्कृतिक महासंघका पूर्व तीन अध्यक्षहरूलाई सम्मान गर्ने कार्यक्रम समेत रहेको जन सांस्कृतिक महासङ्घका अध्यक्ष प्रेमनाथ अधिकारीले जानकारी दिएका छन् ।
प्रतिक्रिया दिनुहोस