कैलाली : नेकपा एमाले सुदूरपश्चिम प्रदेश कमिटीले गेटामा तत्काल दशरत चन्द राष्ट्रिय स्वास्थ्य विज्ञान विश्व विद्यालय स्थापनाको माग गरेको छ । पार्टी प्रदेश अध्यक्ष कृष्णप्रसाद जैशीले विज्ञप्ति जारी गर्दै तत्काल ६ सय शय्या क्षमताको गेटा मेडिकल कलेज सुरु गर्न र दशरत चन्द राष्ट्रिय स्वास्थ्य विज्ञान विश्व विद्यालय स्थापन गर्न माग गरेका हुन् ।
बुधवारबाट गेटामा १०० शय्याको अस्पताल सुरु भएको छ । उक्त कार्य प्रति खुसी व्यक्त गर्दै र धन्यवाद प्रकट गर्दै गेटालाई १०० शय्यामा मात्रै केन्द्रित नगर्न ध्यानाकर्षण गराएको छ ।
‘१०० शय्या मात्र सञ्चालन गरिने विषयले हामीलाई सशङ्कित बनाएको छ । नेकपा एमाले सुदूरपश्चिम प्रदेश परिवार विश्वविद्यालय सम्बन्धी विधेयक शीघ्र पारित होस् र अस्पतालमा ६०० शय्या पूर्ण रुपमा सञ्चालन गरियोस् भन्ने माग सहित शिक्षा र स्वास्थ्यमा पछाडि परेको सुदूरपश्चिमका जनतालाई सहयोग पुगोस् भन्ने आग्रह पनि गर्दछौँ ’ अध्यक्ष जैशीले जारी गरेको विज्ञप्तिमा उल्लेख गरिएको छ ।
नेकपा एमाले गेटा दशरथचन्द्र विश्व विद्यालय सञ्चालनका लागि लामो समयदेखि दबाब दिदै आएको छ । एमाले सरकारको पालना बजेटमा समेत प्राथमिकतामा परेको थियो ।
प्रतिक्रिया दिनुहोस