बाजुरा : बाजुराका चार वटा स्थानीय तहका १२ जना परिवर्तनका संवाहक सहजकर्तालाई प्रशिक्षक प्रशिक्षण तालिम दिइएको छ । प्लान ईन्टनेशनल नेपालसँगको साझेदारी, सिसो नेपालसँगको सहकार्य र पीसविन नेपालसँगको समन्वयमा सञ्चालित किशोरीहरुको अधिकार र उत्थान शिलतको लागि ‘आभा परियोजना’ मार्फत प्रशिक्षक प्रशिक्षण तालिम दिइएको हो ।
तालिममा बडीमालिका, बुढीगंगा, त्रिवेणी नगरपालिका र गौमुल गाउँपालिकाका १२ जना सहजकर्ता सहीत २२ जना सहभागि थिए । मंसिर १० देखि १४ गतेसम्म पाँच दिन चलेको तालिमपछि चार वटै पालिकामा सिओसी कक्षा सञ्चालन हुनेछन् । किशोरी अधिकार र उत्थानशिलता बारे ज्ञान सीप र क्षमता विकासका गतिविधी सञ्चालन गर्न सिओसी कक्षा सञ्चालन गर्न लागिएको पीसविन आभा परियोजना अनुगमन तथा प्रतिवेदन अधिकृत कुसुम शाहीले बताएकी छन् ।
किशोरीलाई अधिकारबारे जागरूकता गराउन शिक्षा, स्वास्थ्य, सुरक्षा, लैङ्गिक समानता लगायतका कानुनी र सामाजिक अधिकार बारे जानकरी दिन सिओसी कक्षा सञ्चालन अवधारणा अघि सारिएको पीसविन आभा परियोजना प्रमुख पदम कठायतले जानकारी दिएका छन् ।
उनीहरुको आत्मविश्वास र नेतृत्व क्षमता विकास गर्न, यौन तथा प्रजनन स्वास्थ्य सेवा र परामर्श दिन, शिक्षा र आर्थिक सशक्तिकरण गराउने र हिंसा रोकथाम तथा मनोसामाजिक सहयोग गराउने गरि कक्षामा प्रशिक्षण गराइने छ, त्यसैका लागि सहजकर्ता तयार पार्न तालिम सञ्चालन गरिएको हो, कार्यक्रम प्रमुख कठायतले बताए ।
किशोरी अधिकार र उत्थानशीलता केन्द्रको मूल उद्देश्य किशोरीलाई सचेत, सक्षम, सुरक्षित र आत्मनिर्भर बनाउन हो । पीसविनले यसैवर्षदेखि बाजुराका चार पालिकामा यो कार्यक्रम सञ्चालन गरिरहेको छ ।
पाँच दिने तालिमको सहजिकरण सिसो नेपालका कार्यकारी निर्देशक खुमानन्द सुबेदी र सृजना अधिकारीले गरेका हुन् । प्लान ईन्टरनेशनल सहीत आभा परियोजनका कर्मचारी र कार्यसमिति सदस्यहरु पनि सहभागी थिए । तालिममा २ दिन सहभागिलाई सहजिकरण अभ्यास पनि गराईएको थियो ।
तालिमले क्षमता विकास र ज्ञान अभिवृद्धि गर्न सहयोग पुगेको सहभागी सोधा नेपाली र टेक सार्कीले समापन मन्तव्यमा आफ्नो धारणा राखेका थिए । प्रशिक्षकको बुझाउने शैली र ब्यबहारले आफूहरु थप प्रभावित बनेको र फिल्ड स्तरमा गएर थप सहयोग प्राप्त हुने उनीहरुको भनाई छ । तालिम रेडियो बाजुराको हलमा आयोजना गरिएको हो ।
प्रतिक्रिया दिनुहोस