रगत र पसिनाले सिन्चित
गरेकाे माटाे!
नेपाली वीर सपुत
हुर्केको माटाे
मेराे जन्मभूमि ! मेराे स्वाभिमान ! मेराे
स्वतन्त्रताकाे धरा !
माटो र माताकाे पाउमा
निहुरिने मेराे शिर !
हिमाल झैँ अटल र अडिग भई
उभ्याउन सिकाएकाे छ मेरा बाबाले !
विश्वकाे मुकुट मेरा हिमालयले !
कुनै शक्ति छैनन्,मलाई झुकाउने
सगरमाथारूपि स्वाभिमानकाे माथाे
आफैँमा विद्रोह हो,
नेपाली बहादुरीकाे आवाज !
नेपाली अात्मा
कुनै बजारकाे बिक्रीकाे बस्तु हाेइन
जुन नगद र उधारोमा
माेलमाेलाई गर्न सकियाेस् !
कसैको कृपा र दया होइन।
वैदिक छ, सनातनी हाे !
जग जेष्ठी नेपाल हाे !
नेपाली हुँ, स्वतन्त्र छु ,स्वाभिमानी छु !
स्वतन्त्रता र स्वाभिमान
मेरा धर्म र पुँजी हुन् !
तिमीले देखेको फुल होइन म,
तिम्रो सज्जा र शाेभामा
प्रयाेग गर्न सकियाेस् !
फुलकाे दिलकाे अागाे
पनि जाँच्न र परख्न सिक !
तिमीले चाहेको मौनता
म कदापि होइन !
म त्यो शब्द हुँ,
शान्तिकाे अालाेक जगाउछु,
म त्यो झिल्काे हुँ,
वैरीकाे गिद्धे दृष्टि जलाउँछु!
माया र मित्रतामा सर्वस्व
लुटाउन सक्छु!
शान्ति र प्रितिकाे भाका
गुनगुनाउन सक्छु !
जो हातले मित्रता खोज्छ
बिनाशर्त र बिनाबन्धन
प्रितिकाे दैलाे उघारी दिन्छु !
जकड्न आउने हातहरू
अागो बनि खरानी पारी दिन्छु।
हाे म नेपाली हुँ!
नत म नायक बन्न नै चाहन्छु,
दास र दासता
मेराे सस्कार र शब्दकाेष मै छैन !
म स्वतन्त्र छु !
म स्वाभिमानी छु !
म बगाउदछु मित्रताकाे गंगा
म गाउदछु शान्तिकाे गीत !
म देखाउछु स्वाभिमानकाे सगरमाथा !
म बाड्दछु वेद र बुद्धकाे भाका !
म हुँ नेपाली ~ मेराे नेपाल !
विन्ति छ मेराे नेपालीत्वलाई
गिजाेल्न नखाेज,कृतिम पार्न नखाेज !
तिम्राे अारिसमा
मेराे नेपाल अपुराे र अधुराे छ !
तिम्राे इसाराकाे
सहारा मलाई स्विकार्य छैन !
मेरा पुर्खाले अार्ज्याकाे हिमवतखण्ड
मेराे धरा, मेराे नेपाल !
पुर्खाले देखाएको बाटाेमा म
आफ्नो अर्थ आफैँ लेख्न चाहान्छु।
मेराे धरा ~ मेराे नेपाल ~ जय नेपाल !
प्रतिक्रिया दिनुहोस