बाजुरा: राष्ट्रिय युवा संघ नेपालले “एक युवा, पाँच बिरुवा” नारासहित एक महिने वृक्षारोपण अभियान सञ्चालन गरेको छ । सोही अभियानलाई आत्मसात गर्दै राष्ट्रिय युवा संघ नेपाल जिल्ला कमिटी बाजुराले पनि वृक्षारोपण कार्यक्रम गरेको छ । शनिवार बाजुराको सदरमुकाम मार्तडी स्थित कारागार पछाडिको मुख्य सडकमा लागेको पहिरो क्षेत्रमा वृक्षारोपण गरिएको राष्ट्रिय युवा संघ नेपाल जिल्ला कमिटि संयोजक बिष्न कार्कीले बताएका छन । साँफे–मार्तडी सडकखण्ड अन्तर्गत जिल्ला कारागार पछाडि गत बर्ष सडक माथिबाट पहिरो लागेको थियो ।
राष्ट्रिय युवा संघ नेपाल जिल्ला कमिटी बाजुराका संयोजक बिस्न बहादुर कार्कीले केन्द्रीय कमिटीले सुरु गरेको अभियान अन्तर्गत “एक युवा, पाँच बिरुवा” भन्ने मूल मन्त्रसहित वृक्षारोपण अभियानको थालनी गरिएको बताएका छन् । उक्त अभियानमा नेकपा एमाले जिल्ला कमिटी बाजुराका उपसचिव तथा जनवर्गीय जनसंगठन संयन्त्र प्रमुख हरी बहादुर रोकायाको प्रमुख आथित्यतामा सुरु गरिएको हो । सो अभियान अन्तरगत ३० बिरुवा रोपिएको संयोजक कार्कीले बताए ।
त्यस्तै जिल्ला संयोजक कार्कीले यो अभियान केवल वृक्षारोपण मात्र नभई भविष्यको पुस्ता हरियाली, वातावरणमैत्री र सुरक्षित समाजको दृढ संकल्प समेत भएको बताए । उनले पहिरोले प्रभावित क्षेत्रलाई पुनः हरियाली बनाउने तथा वातावरण संरक्षणप्रति आफ्नो जिम्मेवारी समेत भएको उल्लेख गरे ।
उक्त वृक्षारोपण अभियान सुभारम्भ कार्यक्रममा नेकपा एमाले जिल्ला कमिटी बाजुराका उपसचिव हरी बहादुर रोकाया, राष्ट्रिय युवा संघ नेपाल बाजुराका संयोजक बिस्न बहादुर कार्की, राष्ट्रिय युवा संघ केन्द्रीय साइबर सर्कल विभाग सदस्य शेर बहादुर रावल, बाजुरा क्याम्पस स्ववियु अध्यक्ष लक्ष्मण रोकाया लगायत युवाहरुको सहभागीता रहेको थियो ।
प्रतिक्रिया दिनुहोस