बाजुरा: बाजुरामा प्रमुख जिल्ला अधिकारीकाे रुपमा गणेश प्रशाद पाैडेल आएका छन्। तत्कालीन प्रमुख जिल्ला अधिकारीले मेघनाथ पाध्याकाे गृह मन्त्रालयमा सरुवा भए संगै पाैडेल प्रजिअकाे रुपमा बाजुरा आउँनु भएको छ।
जिल्ला प्रशासन कार्यालय पर्वतमा सहायक प्रमुख जिल्ला अधिकारीकाे रुपमा कार्यरत रहेका पाैडेललाई मन्त्रालयले बाजुरा पठाएकाे हाे ।मन्त्रालयकाे सचिवस्तरीय निर्णयबाट बाजुरासहित १२ जिल्लाका प्रमुख जिल्ला अधिकारीको सरुवा गरेको थियाे।
सुरुवा भएर हिजाे मात्रै बाजुरा पुगेका प्रजिअ पाैडेललाई आज भव्य स्वागत सहित सफल कार्याकालकाे शुभकामना व्यक्त गरिएको छ। प्रजिअ पाेडेलले आजबाटै कार्यभार सम्हाल्नु भएको हाे। कार्यभार सम्हाल्दै उनले समग्र जिल्लाकाे विकासका सवालमा कुनै कदम पछी नहट्ने बताएका छन्।
बाजुरेली जनतालाई सहज रुपमा सेवा प्रवाहका साथै जिल्लामा शान्ति , सुरक्षा र अमनचयन कायम गर्ने र विकास व्यवस्थापनलाई सहजिकरण गर्न पछी नहट्ने दावी गर्नुभएको हाे। साथै यसमा बाजुरेली जनता, स्थानिय तह,राजनितिक दल लगाएत सञ्चारकर्मीकाे साथ,सहयाेगकाे आवश्यक रहने समेत बताएका हुन्।
तत्कालीन कुशल प्रशासक ,मिलनसार अनि सहयोगी स्वभावका प्रजिअ पाध्याकाे ४ दिन अघि भव्य बाजागाजा सहित विदाई गरिएको थियाे। पाध्याले पाँच वर्षदेखि भुकम्प सहित मनसुनजन्य विपदबाट पिडित परिवारको रकम निकासा,विपदमा परेकाको उद्धार तथा राहतमा पहल,हिमाली गाउँपालिकामा रहेको सरकारको नाममा रहेको जग्गा गाउँपालिकालाई हस्तान्तरणमा लगायतका महत्वपूर्ण कार्य गरेर सरुवा भएका थिए।
प्रतिक्रिया दिनुहोस