बाजुरा :सङ्घीय मामिला तथा सामान्य प्रशासन मन्त्रालयले पहिलोपटक देशभरका गाउँपालिका र नगरपालिकामा निमित्त प्रमुख प्रशासकीय अधिकृतको व्यवस्था अन्त्य गरेको छ। साे सरुवा अन्तरगत बाजुराका ३ स्थानिय तह पनि परेका छन । जसमा बडीमालिका नगरपालिका त्रिबेणी नगरपालिका र बुढीनन्दा नगरपालिकामा नयाँ प्रमुख प्रशासिकय अधिकृत आउने भएका छन ।
बडीमालिका नगरपालिकामा उपसिचव लाेकराज जाेशी उध्याेग बाणिज्य तथा आपुर्ती मन्त्रालय अन्तरगतबाट आउने भएका छन । त्यसै गरी गृह मन्त्रालय अन्तरगत उपसिचव सत्यराज जाेशी र कैलाली जिल्लाका जिल्ला समन्वय अधिकारी भाेजराज भट्ट बुढीनन्दा नगरपालिकामा आउने भएका छन । मन्त्रालयले देशभरका १०५ नगरपालिका र ८६ गाउँपालिका निमित्त अधिकृतका भरमा सञ्चालन भइरहेकाे स्थानीयतहहरुमा पूर्ण जिम्मेवारीसहितका अधिकृतहरु पठाइएकाे मन्त्रालयले जनाएकाे छ ।
सङ्घीय मामिला तथा सामान्य प्रशासनमन्त्री भगवती न्यौपानेको निर्णयसँगै अब सम्पूर्ण पालिकामा पूर्ण जिम्मेवारीसहित प्रशासनिक नेतृत्व सुनिश्चित भएको मन्त्रालयले जनाएको छ। मन्त्रालयका अनुसार यस कदमले कर्मचारी सरुवामा हुने बाह्य चलखेल अन्त्य गर्ने, सुशासन प्रवर्द्धन गर्ने र सेवा प्रवाहलाई अझ प्रभावकारी बनाउने अपेक्षा गरिएको छ। साथै, पालिका प्रमुख तथा जनप्रतिनिधिलाई स्थायी अधिकृतसँग मिलेर काम गर्न आग्रह गरिएको छ।
सहसचिव दरबन्दी भएका ९ उपमहानगरपालिका र १ महानगरपालिकामा पनि छिट्टै दरबन्दीअनुसारका प्रमुख प्रशासकीय अधिकृत खटाइने तयारी भइरहेको मन्त्रालयले जनाएकाे छ ।
प्रतिक्रिया दिनुहोस