बाजुरा: जिल्लाको पुर्वी उत्तरी भेगमा पर्ने पोरखे, पाण्डुसैन हुदैँ कोल्टीसम्मको राष्ट्रिय प्रसारण लाइन अन्तर्गतको विद्यतीय लाइन परीक्षण सुरु गरिएको छ । नेपाल विद्युत प्राधिकरण वितरण केन्द्र बाजुराले एक सूचना जारी गर्दै सो क्षेत्रमा आजदेखि लाइन परीक्षण गर्न सुरु गरिएको छ ।
सूचना जानकारी अनुसार बाजुरा वितरण केन्द्र अन्तर्गत उखाडी स्थित ३३।११ के।भी सवस्टेशनदेखि पोरखेगढी, पाण्डुसैन हुदैँ कोल्टी सम्मको नवनिर्मित ११ के।भी विद्युतीय लाइनको बिहीवारबाट परीक्षण कार्य सुरु गरिएको छ ।
विद्युत लाइनका कुनै पनि पोल, तार, ट्रान्सफर्मर आदिको नजिक नजान तथा नछुन सबैलाई सूचना मार्फत जानकारी गराएको छ । साथै उक्त परीक्षण हुने लाइनमा कतै केही समस्या देखिएमा तुरुन्त वितरण केन्द्रमा खबर गरी दिन पनि आग्रह समेत गरेको छ ।
प्रतिक्रिया दिनुहोस