धनगढी : डोटीको जङ्गलमा एक महिलाको शव फेला परेको छ । केआईसिंह गाउँपालिका–६ लामाडाडास्थित जङ्गलमा महिलाको शव फेला परेको हो । डोटी प्रहरीका अनुसार महिलाको परिचय भने खुलेको छैन ।
ती महिलाको शव मङ्गलबार जङ्गलको खोला दोभानमा दुई ढुङ्गाको बिचमा सडेगलेको अवस्थामा फेला परेको जिल्ला प्रहरी कार्यालय डोटीका डिएसपी भीमलाल भट्टराईले बताएका छन् । शव कङ्कालको रूपमा रहेको र कपडा, कपाल, चुँडी लगायतका पहिरनले महिलाको भएको पहिचान गरिएको हो । शवलाई पोस्टमार्टमको लागि जिल्ला अस्पताल डोटी ल्याइएको छ ।
बाजुरामा भालुको आक्रमणबाट एकजना गम्भीर घाइते भएका छन् । घाइते हुनेमा खप्तड छेडेदह गाउँपालिका ३ धुर्ताेला घर भएका अन्दाजी ३५ बर्षका रणबहादुर रावत रहेका छन् । स्याउला बटुल्ने क्रममा भालुले आक्रमण गरेको बाजुराका प्रमुख प्रहरी नायव उपरिक्षक दिलीपकुमार गिरीले बताएका छन् ।
घाइते रावतको टाउको, मुख, छाती र बायाँ हात चुडेको छ । भने स्वास्थ्य अवस्था गम्भीर रहेको छ । घाइते रावतको अछामको बयालपाटा अस्पतालमा उपचार भइरहेको छ । प्रहरी र स्थानीयले उपचारका लागि बयालपाटा पुगेका थिए ।
प्रतिक्रिया दिनुहोस