बाजुराः नेपाल कम्युनिस्ष्ट पार्टी( एमाले )बाजुरा जिल्ला कमिटीको पाचौं पुर्ण बैठकका निर्णयहरु पत्रकार सम्मेलन मार्फत सार्वजनिक गरिएको छन् । चैत्र १९ गते पाटी अध्यक्ष लाल बहादुर ओलीको अध्यक्षतामा सम्पन्न भएको कैठकले गरेका निर्णय आज पत्रकार सम्मेलन मार्फत जानकारी गरिएको छ ।
एमाले जिल्ला कमिटी बाजुराको पाँचौ पुर्ण बैठकले १२ वटा निर्णयहरु पत्रकार सम्मेलन मार्फत सार्वजनिक गरेका छन् ।
पाँचौ पुर्ण बैठकका निर्णयहरु
तीन महिने जरा अभियानको प्रगति समिक्षा गरि बाँकी सम्पादन हुन नसकेका कामको कार्य योजना निर्माण गरेको छ ।
पालिका अधिवेशन र त्रीवेणी नगरपालिकाका २ वटा वडा बाहेक अन्य ६७ वडामा वडा अधिबेशन सम्पन्न भएको र टोल अधिवेशन पनि अभियानकै रुपमा सम्पन्न भईरहेको र बाकि वडा तथा टोल अधिवेशनहरु सम्पन्न गर्न पालिका कमिटी र भुगोल ईन्चार्जलाई निर्देशन गरेको छ ।
पार्टीको सदस्या अनलाइन अध्यावधिक कार्यलाई प्रभावकारी बनाई चैत्र मसान्तसम्म कार्य सम्पादन गरि सक्ने ।
पार्टी भित्र अवरोध सिर्जना गर्ने ,स्थानीय स्तरमा कार्यकर्ता बिभाजन हुने क्रीयाकलाप रोक्न सम्पुर्ण कार्यकर्तालाई कडाईका साथ निर्देशन,पार्टीको प्रथम जिल्ला प्रतिनिध परिषद् बैठक २०८२ जेठ ७ गते आयोजना गर्ने,जिल्ला कमिटीको लेखा ब्यबस्थापन प्रदेशमै उत्कृष्ट रहेको,माघ १३ देखि चैत्र १६ सम्मको आम्दानी खर्च विवरण बैठकले अनुमोदन गरेको छ ।
साथै जिल्लाको समग्र विकास निर्माणमा संघिय सरकार र प्रदेश सरकारद्वारा विनियोजित बजेटमा असन्तुलित र पक्षपातपुर्ण रहेको र जिल्लाकै अपमानपुर्ण व्यवहार भएको ठहर गरेको छ । बिगत लामो समयदेखी बुढीगङ्गा नदी माथी थन्किएको बेलिब्रीज अन्य ठाउँमा सार्न नसकिएको प्रती दुख ब्यक्त गरेको छ । करिब २ करोड ५० लाख बजेटमा ब्यबस्थापन हुने कामको लागी पटक पटक संघ तथा प्रदेश सरकारलाई डेलिकेशन तथा अनुरोध गर्दा पनि वेवास्ता भएको हुँदा त्यो प्रवृत्ति निकै हेपाहा प्रवृति भएको र जिल्लाको विकासमा उच्चस्तरीय राजनितीक एकता कायम गर्न आवश्यक रहेको ठहर गरेको छ ।
आगामी आर्थिक बर्ष २०८२–०८३ को नीति कार्यक्रम र बजेटमा जिल्लाका सबै स्थानीय तहमा पालिका गौरवका आयोजनाहरु बढीमा तीन वटा योजना प्रस्ताव गर्न निर्देशन गरेको साथै पार्टीका १८ वटा जन–संगठनका ईन्चार्ज तोकी जिम्मेवारी प्रदान गरेको छ ।
एमाले जिल्ला कमिटी अध्यक्ष लाल बहादुर ओलीको अध्यक्षतामा सञ्चालन भएको पत्रकार सम्मेलन कार्यक्रममा एमाले जिल्ला कमिटी सचिव काँसि विक लगायत जिल्ला स्थित विभिन्न सञ्चार माध्यममा कार्यरत सञ्चारकर्मी पत्रकारको सहभागीता रहेको थियो। पत्रकार सम्मेलन कार्यक्रमको सञ्चालन पार्टी प्रचार–प्रसार विभाग प्रमुख राजन रोकायाले गर्नुभएको थियो ।
प्रतिक्रिया दिनुहोस